Fréttir

Stefnt er að því að ganga í Laugalandsskógi á Þelamörk fimmtudaginn 13. september. Gönguleiðin er um 4.5 km. Gengið verður frá neðra bílastæðinu. Fyrsti hlutinn er nokkuð brattur en þeir sem það kjósa geta byrjað á efra bílastæðinu og losnað við brattann. Göngufærið er að mestu malar og moldarstígar. Mætum í Bugðusíðu kl. 10.00.

Félag eldri borgara á Akureyri og Amtbókasafnið á Akureyri verða með nýjan leshring í vetur. Fyrsti fundur verður á Amtbókasafninu mánudaginn 10. september kl. 11:00.

Bridsspilamennska á vegum Félags eldri borgara á Akureyri hefst í Bugðusíðu 1 fimmtudaginn 20. september kl. 13:00.

Fyrsta kráarkvöld starfsársins verður að Bugðusíðu 1 laugardagskvöldið 15. september kl. 20:30-24:00.

Fimmtudaginn 6. september göngum við frá Hömrum kringum Naustaborgir. Leiðin er tæpir 5 km. Mætum kl 10.00 við Bugðusíðu eða 10.15 við Hamra.

Fyrsti fundur 10. september kl. 11:00

Gönguklúbbur EBAK hefur staðið fyrir vikulegum gönguferðum í sumar. Þátttaka hefur verið góð og almenn ánægja með þessar ferðir, þökk sé góðu skipulagi stjórnar klúbbsins Samkvæmt áætlun var seinasta ganga sumarsins kringum Ljósavatn 23. ágúst. Mikill áhugi er á að halda þessum gönguferðum áfram í haust en stjórn klúbbsins er getur ekki skipulagt fleiri ferðir vegna forfalla. Áhugasamir félagar hafa því tekið að sér að standa fyrir gönguferð fimmtudaginn 30. ágúst um Hálsaskóg á Moldhaugnahálsi. Lagt verður af stað frá Bugðusíðu kl. 10.00 og genginn 6 km. hringur í skóginum. Þetta er þægileg ganga í 2 tíma á malar og moldarvegi. Göngustjórar í þessari ferð eru Garðar Lárusson og Hallgrímur Gíslason.

Ferð á vegum Félags eldri borgara á Akureyri um Austurland dagana 12.-15. ágúst 2018.