Fréttir

Námskeiðið í samstarfi við MA., í ensku fyrir byrjendur sem hefjast átti þann 11. febrúar fellur niður vegna ónógrar þátttöku.

Guðrún Gunnarsdóttir syngjandi í 30 ár, Hofi - Akureyri

11. febrúar 2014 hefst námskeið í ensku fyrir byrjendur. 17. febrúar flytur Logi Már Einarsson erindi um Akureyri í máli og myndum.

Í apríl mun Sel Hótel í Mývatnssveit bjóða upp á skemmtilega dvöl og dagskrá fyrir kátt fólk 60 ára og eldra. Þetta er frábært tækifæri til að gleðjast með góðu fólki víðsvegar af landinu og láta stjana við sig í mat og drykk. Dagskráin er fjölbreytt og valinkunnir menn sem leiða hana. Farið verður í ferðir með leiðsögn um sveitina fögru og um nærliggjandi sveitir. Á kvöldin verður spilað, sungið og sagðar sögur. Komið og njótið ykkar í fallegu umhverfi Mývatns. Þann 28. janúar sl. komu fulltrúar frá Sel Hótel til Akureyrar og kynntu þetta tilboð á fundi með fulltrúum úr stjórn og ferðanefnd Félags eldri borgara. Nánari upplýsinar er að finna á vefslóðinni: http://www.myvatn.is/eldriborgara-ferd

Námskeið um landnám og landnámsmenn í Eyjafirði, fellur niður vegna ónógrar þátttöku.

Fyrsti fræðslufundur ársins var haldinn í dag 20. janúar.

Námskeið í samstarfi við Símenntun Háskólans á Akureyri. Landnámsmennirnir í landnámi Helga magra.

Í dag 13. janúar var haldinn kynningar á nýrri heimasíðu Félags eldri borgara á Akureyri. Fundurinn var haldinn í Bugðusíðu 1 og var vel sóttur eða um 65 manns. Formaður félagsins Sigurður Hermannsson og Daníel Örn Stefánsson starfsmaður Stefnu hugbúnaðarhúss sáu um kynninguna. Undirbúningur að gerð heimasíðunnar hefur staðið yfir um nokkurt skeið og hefur Halldór Gunnarsson stjórnarmaður verið tengiliður félagsins við Stefnu ásamt Sigurði formanni.

Um áramótin verða breytingar á greiðslum almannatrygginga. Velferðarráðuneytið hefur kynnt að bætur þeirra sem fá greiðslur úr almannatryggingakerfinu hækki um 3.6% frá 1. janúar 2014. Hækkunin tekur til allra bóta lífeyristrygginga, slysatrygginga og félagslegrar aðstoðar. Tekjuviðmið framfærsluuppbótar og frítekjumarks fólks sem býr á dvalar- og hjúkrunarheimilum hækka einnig um 3.6%.

Það sem er á döfinni á vegum Fræðslunefndar er eftirfarandi: Þann 20. janúar hefst flokkur erinda um bæinn okkar Akureyri. Það verður Hörður Geirsson sem byrjar og fjallar um bæinn í máli og myndum. Síðan munu Logi Einarsson og Björgvin Steindórsson taka við og horfa á Akureyri frá öðru sjónarhorni. Þau erindi verða í mars og apríl.